Plantun de Prouvènço

Pèr coumpara dos planto d'encò nostre

Pulmonaria angustifolia & Ranunculus platanifolius

Póumounello(-di-fueio-estrecho)

Pulmonaria angustifolia

Boraginaceae

Àutri noum : Erbo-de-la-courado, Erbo-dóu-poumoun, Póumounello.

Nom en français : Pulmonaire à feuilles étroites.

Descripcioun :
Aquesto erbo-de-la-courado trachis dins li pelouso e melouniero dis Aup dessubre 1200 m. Se recounèis l'estiéu à si fueio basalo estrecho e gaire tacado. Li flour soun d'un blu prefouns à la duberturo. La planto èi proutejido sus listo roujo, categourìo LC, es à dire soucit minour .

Usanço :
Li flour e li fueio dèvon èstre manjadisso cruso o cuecho. Sèmblo agué li mémi prouprieta que Pulmonaria officinalis, planto cultivado, sarié espetouranto e sudourifico (principe di signaturo - li fueio tacado dounon d'èr à un póumoun).

Port : Erbo
Taio : 5 à 20 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Pulmonaria
Famiho : Boraginaceae

Ordre : Ordre pas nouma

Coulour de la flour : Bluio
Petalo : 5
Ø (o loungour) flour : 16 à 19 mm
Flourido : Printèms

Sòu : Ca (Si)
Autour basso e auto : 1200 à 2200 m
Aparado : Noun
Abriéu à Jun

Liò : Pelouso - Melouniero
Estànci : Mesoumediterran à Mountagnard
Couroulougi : Ouroufito-Aupenco
Ref. sc. : Pulmonaria angustifolia L., 1753

Ranouncle(-di-fueio-de-platano)

Ranunculus platanifolius

Ranunculaceae

Nom en français : Renoncule à feuilles de platane.

Descripcioun :
Lou ranouncle-di-fueio-de-platano trachis sus li pendis di fourèst de faiard. S'atrobo soulamen à l'uba de noste relarg, ço que n'en fai uno planto pulèu raro. Se recounèis à si fueio proun penado que sèmblon pulèu à-n-aquéli de l'estranglo-loup que de la platano. Li flour, blanco, soun pourtado pèr de pecou sènso péu (au contre de Ranunculus aconitifolium) e li fru soun emé de bè di proun croucu (fotò). Coumpara emé lou ranouncle-di-fueio-d'acounit que ié sèmblo proun.

Usanço :
Coume tóuti li ranouncle, es uno planto empouisounanto, pamens couneissèn pas d'usanço particuliero. Escriéure au site se n'en sabès mai.

Port : Grando erbo
Taio : 20 à 130 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour : Blanco
Petalo : 5
Ø (o loungour) flour : 1,5 à 2 cm
Flourido : Printèms - Estiéu

Sòu : Si
Autour basso e auto : 1200 à 2200 m
Aparado : Noun
Mai à juliet

Liò : Faio - Prado à rousèu - Relarg à jóuinis aubret - Blachiero
Estànci : Mountagnard à Subaupen
Couroulougi : Ouroufito-Éuropenco
Ref. sc. : Ranunculus platanifolius L., 1767 (= Ranunculus aconitifolius subsp. platanifolius (L.) Berher, 1887 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Pulmonaria angustifolia & Ranunculus platanifolius

ges

RRR

Coumpara Póumounello(-di-fueio-estrecho) emé uno autro planto

Coumpara Ranouncle(-di-fueio-de-platano) emé uno autro planto